Адміністрацыя музея-сядзібы М. К. Агінскага ў Залессі і мясцовы дабрачынны фонд “Паўночныя Афіны М. К. Агінскага” запрашае моладзь, валанцёраў і ўсіх неабыякавых жыхароў Смаргоншчыны далучыцца да дабрачыннай акцыі па добраўпарадкаванні садова-паркавай тэрыторыі сядзібы.
Суботнік адбудзецца 16 красавіка, пачатак у 11.00.
Усіх прыхільнікаў творчасці і багатай гістарычнай спадчыны слыннага дзеяча і кампазітара просім аказаць пасільную дапамогу ў вясновай уборцы парка і пасадцы бэзавай алеі. Вітаецца наяўнасць свайго інвентару (лапаты, венікі, вілы).
Ала ШЫЦІКАВА, дырэктар мясцовага фонду “Паўночныя Афіны М. К. Агінскага”.
